Egitasmo honen helburua Euskal Herrian egiten diren euskarazko jardunaldiei buruzko informazioa eskaintzea da. Izan ere, Euskal Herria oso aberatsa da zentzu honetan; gai anitzeko jardunaldiak antolatzen dira eta horietako asko euskaraz dira, egiaz, uste duguna baina gehiago. Erakunde eta elkarte askoren jarduna dago errealitate horren atzean, baina sarritan baliabide edo denbora faltagatik, hainbesteko ahaleginak ez du izaten behar besteko zabalkundea.
Sarritan jardunaldiak antolatzen dituzten erakundeak txikiak dira, baliabide gutxikoak eta lan eskerga egiten dute antolaketa lanetan, baina ondoren ez dute nahikoa baliabide webgune txukun bat izateko, nahi besteko zabalkundea egiteko eta abar. Egitasmo honen bidez, elkarte eta erakunde horiei guztiei euren jardunaldiei buruzko informazioa eskaintzeko gune edo txoko bat eskaini nahi zaie. Era berean, gizarteari euskaraz diren jardunaldi desberdinei buruz jakiteko erreferentziazko gune bat eskaini nahi diogu.